250
REGISTRES DU BUREAU
[i563]
Laurens Olivier, il est ordonné que à quatre heures de relevée il fera comparoir le clerc de lad. communaulté, à laquelle heure ii comparra, pour ce faict, ordonner ce que de raison.
Jehan Heulant, après avoir esté certiffié avoir assisté de pied, condanné en xl solz parisis.
Guillaume Joly a dict estre Dixinier, et estoit allé lors faire les commandemens à ceulx de sa Dixaine à comparoir de relevée.
Guillaume Monjou a dict qu'il ne sceut aulcune choze et n'en a oy parler, condanné comme dessus, sauf son recours contre le clerc dud. nombre qui comparra ceans de relevée.
Jacques Beausault a dict y avoir esté de relevée avecq son espée el sa harquebuze, encor qu'il n'en eust mandement ; et y alla parce qu'il rencontra au­cuns de son nombre qui luy disrent qu'ilz estoient tous mandez ; a esté ordonné qu'il fera comparoir ceans à quatre heures de relevée le clerc dud. nombre, à laquelle heure il comparra, alias condanné en x livres parisis et privé comme dessus.
Robert Fortier a dict qu'il n'en sceut aulcune chose, mais luy fut faict commandement par le ca­pitaine Grégis de soy tenir en son logis en armes, ce qu'il feist, ordonné comme dessus.
Nicolas Loiseau a dict qu'il n'estoit en ceste ville et estoit allé à Boulongne lors de la justice ; com­parra à lad. heure.
Noel Pinteur, demourant rue du Bourg l'Abbé, a dict n'estre en cesteville el estoit allé à Madery f1' pour faire faulcher du pré qu'il y a ; ordonné comme dessus.
Raoulet Legrand, demourant rue des Escouffles, après serment par luy faict a affermé qu'il ne luy a esle signiffié; ordonné que led. clerc [comparra] à quatre heures de relevée.
Claude Beauroy, demourant rue Sainct Marlin; condanné en x livres parisis et privé comme dessus.
Roch Yvory, demourant en lad. rue, n'estoit en son logis parce que l'on s'y estoit mort de pesle, et n'a sceu que le clerc ayt esté en son logis ; fera com­paroir le clerc, alias condanné comme dessus.
Led. jour, a esté enjoinct à Jehan Gossu, present en personne, ses lieutenans et enseigne, de prandre
au corps et representer dedans vendredi prochain ceans ung nommé Georges Daluy, caporal de la compagnie dud. capitaine, sur peine de s'en prandre à eulx en leurs propres et privez noms, et soit signiffié ausd, lieutenans et enseigne'2'.
Plaincte.
Au jour d'huy, sont comparuz par devant nous au Bureau de lad. Ville, Claude Dumoulin, boulanger, demourant es faulxbourgs S'Honnoré, Jehan Thomas, tavernier, demourant esd. faulxbourgs, lesquelz, après serment par eulx faict, ont affermé respectivement, assavoir, led. Thomas que le jour d'hier, environ huict heures du matin, led. depposant estant en son logis, y vint boire ung homme à luy incongneu avecq deux hommes du village de Coulombes, ainsi qu'il oy t dire aud. homme qu'il oyt nommer Maulvault, à pre­sent prisonnier ceans. Et estans à table, luy oyt dire que les seigneurs admirai et d'Andelot estoient près Montargis, qui avoient xxxii enseignes de gens de guerre qui venoient à Melun et à S' Cloud pour affamer ceste Ville'3' ; et quant à luy, qu'il avoit son cheval, deux pistolles et ung corps de cuirasse au port au Pecq. Et voulant partir, paia l'escot, pour lequel il bailla à la femme dud. depposant ung tes­ton , luy disant qu'elle baisast led. teston et qu'il es­toit faict de ses relicques, qu'elle le flerast, et qu'il s'entendoit, encores la messe, et esperoit que si tost que le Roy commanderait, les prebstres seroient aussi tost aboliz que avoient esté les huguenotz. Oyans lesquelz propos, alla advertir le capitaine desd, faulx­bourgs, qui le print et admena ceans prisonnier.
Et led. Dumoulin, lieutenant du capitaine d'iceulx faulxbourgs, que le jour d'hier, environ huict heures du matin, led. Thomas le alla querir pour consti­tuer prisonnier led. Maulvault qui estoit en son logis. Et après s'en estre fuy et qu'il fut reprins, oyt dire aud. Maulvault qu'il y avoit xxxii ou xxxiu en­seignes à Montargis, qu'il y avoit laissées le di­manche, qui pretendoient venir devant Paris pour affamer lad. Ville ; et avoit deux pistolles avecq une jacquette de fer, et ung cheval au port au Pecq, et est ce qu'il a dict'4'.
(!) Madrid est l'ancienne désignation du bois de Boulogne.
'2) Ces comparutions d'arquebusiers figurent également au Registre Z 6826, fol. 116.
(3) Ce bruit n'avait rien de sérieux : en juillet i563, Coligny et d'Andelot se trouvaient réunis au chàteau de Chàtillon-sur-Loing, au chevet de Charlotte de Laval, gravement malade; l'amiral venait, à la veille de l'ouverture des hostilités avec l'Angleterre, de faire une tentative de conciliation auprès de la reine Elisabeth, tentative qui demeura infructueuse, et il ne prit aucune part à la guerre. (J. Delaborde, Gaspard de Coligny, t. 11, p. 254.)
W Voir le Registre Z 6826, fol. 117 r°.